हुम्लाको एक घरमा आगलागी हुँदा २४ लाख बराबरको क्षति
सिमकोट— हुम्लाको सिमकोट गाउँपालिका–८ लिगुखेत (बटुम)को एक घरमा आगलागी हुँदा रु २४ लाख बराबरको क्षति भएको छ । स्थानीय जसवीर शाहीको घरमा शनिबार बिहान बिजुलीको तार सर्ट भएर आगलागी हुँदा घरको दोस्रो र तेस्रो तलामा क्षति भएको जिल्ला प्रहरी कार्यालय हुम्लाले जनाएको छ ।
घरको तेस्रो र दोस्रो तलामा पूर्ण रूपमा क्षति पुर्याए पनि मानवीय क्षति भने नभएको जिल्ला प्रहरी कार्यालय हुम्लाका प्रहरी नायब उपरीक्षक भिमला भट्टराईले बताए । ‘घरमा आगलागी हुँदा शाहीको ढुङ्गा माटोले बनेको तीनतले घर, घरमा भएका गरगहना तथा अन्नपात, काठलगायत सम्पूर्ण धनमाल जलेर नष्ट भएका छन्,’ उनले भने ।
सिमकोट–७ मा रहेको धारापोरी प्रहरी चौकीका प्रहरी र स्थानीयले आगो नियन्त्रणमा लिएका थिए । रासस
प्रकाशित मिति: शनिबार, असार १६, २०८० १६:४१
थप समाचार
