काठमाडौं— बझाङबाट काठमाडौं आउँदै गरेको ना ६ ख १३३९ नम्बरको रात्रीबस बस शुक्रबार विहान कपिलवस्तुको देउराली मोडमा दुर्घटना भएको छ ।

दुर्घटनामा परी ६ जना घाइते भएको जिल्ला प्रहरी कार्यालय कपिलवस्तुका प्रवक्ता डीएसपी  मिनबहादुर घलेले जानकारी दिए ।

बसमा ४० जना यात्रु सवार रहेको उनले जानकारी दिए । घाइतेहरूको अवस्था सामान्य रहेको डीएसपी घलेले जानकारी दिए ।

उनीहरूको चनौटास्थित सञ्जिवनी अस्पतालमा उपचार भइरहेको छ । तीव्र गति र मोड भएका कारण दुर्घटना भएको बताउँदै डीएसपी घलेले दुर्घटनापछि चालक फरार रहेको जानकारी दिए ।

उनको खोजी भइरहेको डीएसपी  घलेले जनाए ।