मण्डपबाटै बेहुला पक्राउ
काठमाडौं— प्रहरीले एक जना बेहुलालाई मण्डपबाटै पक्राउ गरेको छ ।
मंगलबार दिउँसो नक्सालस्थित एक पार्टी प्यालेसको मण्डपबाटै ती बेहुलालाई पक्राउ गरिएको जिल्ला प्रहरी परिसर काठमाडौंका एसपी सीताराम रिजालले जानकारी दिए ।
सुनसरी दुहवी नगरपालिका–६ स्थायी घर भई हाल काठमाडौं महानगरपालिका–१३ ताहाचल बस्ने ३२ वर्षीय अनुराग रौनियारलाई प्रहरीले पक्राउ गरेको हो ।
पार्टी प्यालेसमा विवाह हुँदै गर्दा बेहुला पक्षले मागेजति दाइजो नपाएको भन्दै बिहे रद्द गर्ने निर्णय गरेको एसपी रिजालले जानकारी दिए ।
प्रहरीले घटनाबारे बुझ्दा जन्तीलाई राम्ररी स्वागत नगरेको र ५० लाख रुपैयाँ दाइजो नपाएपछि बिहे नै रद्द गर्ने अडान लिएको खुलेको हो ।
बेहुलीलाई गाली बेइज्जती र हातपात समेत गरेको एसपी रिजालको भनाइ छ । रौनियारलाई अहिले प्रहरी वृत्त मालिगाउँमा राखिएको छ ।
प्रकाशित मिति: मंगलबार, असार १२, २०८० २१:४७
थप समाचार
