काठमाडौं—  धनुषाको ढल्केबरमा इनारभित्र एक पुरुषको शव फेला परेको छ ।

बिहीबार बिहान ढल्केबरस्थित दक्षिण चोकमा रहेको इनारभित्र एक पुरुषको शव फेला परेको हो । स्थानीयवासीले इनारभित्र शव रहेको देखेपछि प्रहरीलाई खबर गरेका थिए । 

अहिले सशस्त्र प्रहरीको छिन्नमस्ता बाहिनीबाट खटिएको टोलीले शव निकाल्ने प्रयासमा गरिरहेको छ । इनार गहिरो भएको शव निकाल्न समस्या भइरहेको छ । प्रहरीका अनुसार शवको पहिचान खुल्न सकेको छैन ।