काठमाडौं— नेपाल प्रहरीको महानिरीक्षक (आईजीपी) मा वसन्त कुँवर नियुक्त भएका छन् ।

शुक्रबार बसेको मन्त्रिपरिषद् बैठकले कुँवरलाई आईजीपीमा नियुक्त गरेको हो । उनी केही दिनअघि मात्र डीआईजीबाट एआईजीमा बढुवा भएका थिए ।

नवनियुक्त आईजीपी कुँवरले प्रहरीको आन्तरिक शुद्धीकरण आफ्नो प्राथमिकता हुने बताएका छन् ।

प्रहरीको मनोबल र छवि बढाउँदै सरकारको सुशासन र समृद्धिको यात्रामा सहयोगीको भूमिका खेल्ने कुँवरको भनाइ छ ।