पेस्तोलसहित एक पक्राउ
नेपालगञ्ज— बाँकेको नेपालगञ्जबाट प्रहरीले पेस्तोलसहित एकजनालाई पक्राउ गरेको छ ।
नेपालगञ्जको धम्बोजी नजिक सुर्खेतरोडमा रहेको एउटा डान्सबारबाट निस्किँदै गर्दा बर्दिया बाँसगढी नगरपालिका–८ का २८ वर्षीय सुमन रिजाललाई गएराति पक्राउ गरिएको जिल्ला प्रहरी कार्यालय बाँकेले जनाएको छ ।
उनको साथबाट मेडइन यूएसए लेखिएको एक राउन्ड गोलीसमेत बरामद भएको छ । रिजाललाई हातहतियार तथा खरखजना मुद्दा चलाइने प्रहरीले जनाएको छ ।
प्रकाशित मिति: बुधबार, वैशाख २७, २०८० १५:३६
थप समाचार
