भुटानी शरणार्थी प्रकरण : रवि भन्छन्– म गृह मन्त्रालयमा छँदै अनुसन्धान सुरु गरेको विषय हो
काठमाडौं— राष्ट्रिय स्वतन्त्र पार्टी (रास्वपा) का सभापति रवि लामिछानेले नक्कली भुटानी शरणार्थी प्रकरणमा आफूले भित्री रूपमा अनुसन्धान अघि बढाएको दाबी गरेका छन् ।
शुक्रबार पार्टीको केन्द्रीय र संसदीय समितिको संयुक्त बैठकपछि सञ्चारकर्मीसँग बोल्दै उनले आफू गृहमन्त्री भएको बेला नक्कली भुटानी शरणार्थीका नाममा ठगीमा परेको भनेर गुनासो आएको र त्यसबारेमा भित्री रूपमा अनुसन्धान अघि बढाएको दाबी गरेका हुन् ।
‘जब म गृह मन्त्रालयमा थिएँ, हामीले ४/५ चरणमा बसेर छलफल गरेर, पेचिलो छ भनेर भित्री रूपमा अनुसन्धान सुरु गरेको विषय हो,’ उनले भने ।
नक्कली भुटानी शरणार्थी बनाएर अमेरिका पठाउने भन्दै ठगी गर्ने गिरोहमा संलग्नलाई प्रहरीले पक्राउ गरी अनुसन्धन अघि बढाएको कार्यको आफ्नाे समर्थन रहेकाे उनले बताए ।
प्रकाशित मिति: शुक्रबार, वैशाख २२, २०८० १९:५८
थप समाचार
