विवाह हुन एक हप्ता बाँकी, युवतीले गरिन् आत्महत्या
भक्तपुर— सूर्यविनायक नगरपालिका– ७ गुन्डुकी २४ वर्षीया सुस्मिता खड्काले आत्महत्या गरेकी छन् ।
२८ वैशाखमा विवाह मिति तोकिएकी खड्काले बिहीबार झुन्डिएर आत्महत्या गरेको अवस्थामा भेटिएको भक्तपुर प्रहरी परिसरले जनाएको छ । काठमाडौं दक्षिणकाली नगरपालिका ८ घर भई ललितपुर महालक्ष्मी नगरपालिका— ९ बस्ने २८ वर्षीय मनोज अधिकारीसँंग सुस्मिताको विवाह तय भइसकेको थियो ।
तर, बिहीबार आफ्नै घरको फलामको भर्याङमा पासो लगाई आत्महत्या गरेको अवस्थामा सुस्मितालाई फेला पारिएको एसपी प्रजित केसीले जानकारी दिए ।
उनको साथबाट भेटिएको सुुसाइड नोटमा आफैँले आत्महत्या गरेको र पिर नगर्न भनिएको छ । यद्यपि, थप अनुसन्धान भइरहेको एसपी केसीले बताए ।
प्रकाशित मिति: बिहीबार, वैशाख २१, २०८० १६:३१
थप समाचार
