काठमाडौं— नेपाल प्रहरीमा चिकित्सकतर्फका तीन जना प्रहरी नायब महानिरीक्षक (डीआईजी) बढुवामा सिफारिस भएका छन्।

गृह मन्त्रालयको बढुवा समितिको सचिवालयका अनुसार डा दामोदर पौडेल, डा मनोज कुमार यादव र डा संजिता दाहाल (घिमिरे) डीआईजी पदमा बढुवा सिफारिस भएका हुन्।

मंसिर २ गते बसेको बढुवा समितिको बैठकले बढुवा सिफारिसको निर्णय गरेको समितिका सदस्य सचिव एवम् प्रहरी अतिरिक्त महानिरीक्षक भीमप्रसाद ढकालले जानकारी दिए।