हेटौँडा— मकवानपुरमा ग्यास बुलेटले कारलाई ठक्कर दिँदा ३ जना गम्भिर घाइते भएका छन्। 

पूर्वपश्चिम सडक खण्डमा पथलैयाबाट हेटौँडातर्फ आउँदै गरेको भारतीय ग्यास बुलेटले हेटौँडाबाट रातोमाटेतर्फ जाँदै गरेको ग ३ च ८४४९ नम्बरको कारलाई ठक्कर दिँदा कारमा सवार तीन जना घाइते भएको जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीले बताए।

ग्यास बुलेटको ठक्करबाट कार चालक जिल्ला स्याङ्जा अर्जुनचौपारी नगरपालिका–१ का ३३ वर्षीय चुडाबहादुर बिष्ट, कास्की पोखरा महानगरपालिका–११ का ६३ वर्षीया पुरण श्रेष्ठ, लमजुङ बेँसीसहर नगरपालिका–८ का १७ वर्षीया नेहा राना मगर घाइते भएका हुन्। उनीहरुको अवस्था गम्भीर छ। 

उनीहरूलाई उपचारका लागि हेटौँडास्थित सन्चो अस्पताल पठाइएको प्रहरीले जनाएको छ।