काठमाडौं— ललितपुरको इमाडोलमा सडक भासिएको छ।

बुधबार बिहान महालक्ष्मी नगरपालिका वडा नम्बर ३ इमाडोलको बोझेपोखरी जाने बाटोमा सडक भासिएको जिल्ला प्रहरी परिसर ललितपुरका एसपी नरेशराज सुवेदीले जानकारी दिए।

उनका अनुसार सडकमा भ्वाङ परेर झन्डै तीन मिटर भासिएको छ। उक्त सडकबाट नयाँपुल हुँदै काठमाडौंसमेत जोडिन्छ।

अहिले उक्त सडकलाई पूर्ण रूपमा बन्द गरेको एसपी सुवेदीले बताए।