चितवन— मङ्गलबार रातिदेखिको वर्षासँगै आएको पहिरोले पृथ्वी राजमार्ग अवरूद्ध भएको छ।

चितवनको  इच्छाकामना गाउँपालिका–३ मौवाखोलामा पहिरो खस्दा राजमार्ग बिहान ७ बजेदेखि अवरुद्ध भएको जिल्ला प्रहरी कार्यालय चितवनले जनाएको छ।

पहिरो गएको ठाउँमा सडक एकतर्फी बनेको छ। यस्तै इच्छाकामना गाउँपालिका–३ कै चुम्लिङटारमा ढुङ्गा खसेपछि राजमार्ग दुईतर्फी अवरुद्व भएको छ।

राजमार्ग खुलाउने प्रयास गरिएको प्रहरीले जनाएको छ। सडक अवरुद्ध भएपछि काठमाडौं जाने र पोखरा तथा नारायणगढ जाने सवारीसाधनको लाइन लाग्न थालेको प्रहरीले जनाएको छ।