काठमाडौं— सङ्गीत गुरु गुरुदेव कामतको निधन भएको छ। सिरहास्थित पोखरभिन्डा घरमा उनको बिहीबार बिहान ८ बजे उनको निधन भएको उनका छोरा समीरले जानकारी दिए।

उनको आजै अन्त्येष्‍टि गर्ने तयारी छ।

शास्त्रीय सङ्गीतमा निकै श्रद्धाका साथ लिइने नाम गुरुदेव कामतको दुवै मिर्गौलामा समस्या देखिएको थियो।

उपचारका लागि आर्थिक सङ्कटको सामना गर्नुपरेपछि उनी सपरिवार आफ्नो जन्मथलो सिरहा फर्किएका थिए। 

वरिष्ठ शास्त्रीय गायक कामत नेपाल–भारत क्षेत्रमा प्रख्यात छन्।