विराटनगर— मारवाडी समुदाय अन्तर्गतको माहेश्‍वरी महिला मञ्च विराटनगरको अध्यक्षमा ललिता जाजू निर्वाचित भएकी छन्। 

आइतबार मञ्चको साधारण सभाले जाजूको अध्यक्षतामा २१ सदस्यीय नयाँ कार्यसमिति सर्वसम्मतिले चयन गरेको हो। जाजू यसअघि मञ्चको प्रथम उपाध्यक्ष थिइन्।

साधारण सभाले प्रथम र द्वितीय उपाध्यक्षमा अनामिका परतानी र शीतल बाहेतीलाई चयन  गरेको छ। त्यस्तै सचिवमा कल्पना राठी, सहसचिवमा अर्चना तापडिया र कोषाध्यक्षमा ललिता राठी चुनिएका छन्।

त्यसैगरी महिला सशक्तीकरण सचिवमा पूनम राठी, स्वास्थ्य सचिवमा प्रीति अटल, सांस्कृतिक सचिवमा लीला काबरा, सांस्कृतिक सहसचिवमा सन्जु बाहेती र शिक्षा सचिवमा पूजा सोमानी छन्।

कार्यकारी सदस्यमा विन्दु अटल, प्रीति राठी, चन्दा तापडिया, एकता तापडिया, सरिता राठी, पूजा राठी, पूजा सादानी, मोनाली काबरा र स्नेहा लखौटिया छन्।