रौतहट— रौतहट स्थित सशस्त्र प्रहरीको गस्ती टोलीले ठूलो परिमाणमा प्रतिबाधित भारतीय कुखुराको चल्ला बरामद गरेको छ ।

सशस्त्र प्रहरी बल ११ नम्बर हेडक्वार्टर रौतहटबाट गएको टोलीले परोहा नगरपालिका— ८ कबीर चोकबाट भारतीय बजारबाट ल्याइएको एक लाख ७० हजार मूल्य बराबरको १ हजार ७ सय थान कुखुराको चल्ला बरामद गरेको हो ।

बरामद चल्लालाई नष्ट गरिएको सशस्त्र प्रहरी रौतहटका प्रमुख एसपी बिक्रम हुमागाईंले बताए। कुखुराको चल्ला ओसारपसारमा संलग्न व्यक्ति फरार छन्।

तर चल्ला ओसारपसारमा प्रयोग भएका मोटरसाइकल र साइकल बरामद गरिएको हुमागाईंले जानकारी दिएका छन्।