काठमाडौं— असार २२ गते हुने नेपाल पत्रकार महासङ्घको निर्वाचनको कार्यतालिकामा सामान्य हेरफेर भएको छ। महासङ्घले बिहीबार एक विज्ञप्ति जारी गर्दै कार्यतालिकामा परिवर्तन भएको जानकारी गराएको छ।
परिवर्तन भएको कार्यतालिका अनुसार महासङ्घको नेतृत्वका लागि बिहीबार हुने भनिएको मनोनयन दर्ता शनिबारलाई सरेको छ। शनिबार बिहान १० बजेदेखि दिउँसो ४ बजेसम्म उम्मेदवार दर्ता हुनेछ। त्यसका लागि आज रातिसम्म अन्तिम मतदाता नामावली प्रकाशित हुनेछ।
त्यस्तै शनिबार राति ८ बजे उम्मेदवारको सूची प्रकाशित गरिनेछ भने। उम्मेदवारविरुद्ध दाबी विरोध शनिबार राति ८ बजेदेखि आइतबार बिहान ११ बजेसम्म गर्न सकिनेछ।
उम्मेदवारी फिर्ता लिन चाहेमा असार १६ गतेको समय निर्धारण गरिएको छ। भने अन्तिम नामावली १६ गते दिउँसो सार्वजनिक हुनेछ। असार २२ मा मतदान हुने र सोही दिन रातिबाट मत गणना सुरु गर्ने कार्यतालिका छ।
