झापा— झापाको मेचीनगर– ३ स्थित वहुवन क्षेत्र नजिकै एउटा हात्ती मृत फेला परेको छ।

स्थानीय धरधरे खोला आसपासमा मृत भेटिएको हात्ती विद्युतीय करेन्ट लागेर मरेको हुन सक्ने प्रहरीका प्रारम्भिक अनुसन्धानबाट खुलेको छ।

स्थानीय किसानले घरवाली जोगाउन घरैपिच्छे विद्युतीय तारबार गरेका छन्। सोही तारबारको पासोमा परेर हात्ती मरेको आशंका प्रहरीको छ। 

तीन महिनायता झापा, मोरङ र सुनसरीमा आधा दर्जन जंगली हात्ती मारिएका छन्। केहीलाई गोली प्रहार गरी मारिएको छ।

अधिकांश विद्युतीय पासोमा परेर मरेको पाइएको छ।