काठमाडौं— गएरातिदेखि परेको अविरल वर्षाका कारण अवरुद्ध मुग्लिन–नारायणगढ सञ्चालनमा आएको छ। 

चितवनको इच्छाकामना गाउँपालिका–६ स्थित जलबिरेमा खसेको पहिरो पन्छाएपछि सडक सञ्चालनमा आएको हो। 

जिल्ला प्रहरी कार्यालय चितवनका अनुसार दिउँसो १ बजे आसपास गएको पहिरोका कारण दुईतर्र्फी सडक अवरुद्ध भएको थियो। अहिले दिउँसो २ बजेर १० मिनेटबाट सडक सञ्चालनमा आएको हो। 

गएरातिदेखि परेको अविरल वर्षाका कारण धेरै सडकखण्ड अवरुद्ध हुन पुगेका छन्। धेरै स्थानमा पहिरोका कारण धनजनको क्षति भएको छ।