काठमाडौं— लमजुङको क्व्होंलासोथर गाउँपालिका–३ बगुमस्थित पच्युटोलमा पहिरोमा परेर बेपत्ता भएका चार जनाको शव फेला परेको छ । गएराति पहिरोले तीन घर बगाउँदा ४ जना बेपत्ता भएका थिए।

वडासदस्य विनप्रसाद घलेका अनुसार पहिरोमा परी बेपत्ता ६९ वर्षीय रुद्रमान गुरुङ, ३६ वर्षीय पञ्चकुमारी गुरुङ, उनका दुई छोरीहरू ७ वर्षीया इच्छा गुरुङ र ५ वर्षीया नम्रता गुरुङको  शव फेला परेको हो।

लगातारको वषासँगै घर माथिबाट आएको पहिरोले स्थानीय चित्र घले, रुद्रमान गुरुङ र पञ्चकुमारी गुरुङको घर पुरिएको हो।