रुकुम पश्चिम—  चौरजहारी नगरपालिका– १२ मा बिहीबार बिहान ट्याक्टर दुर्घटना हुँदा एक जनाको मृत्यु भएको छ। ५ जना घाइते छन्। 

कर्णाली प्रदेश ०३००१ त ००१ नम्बरको ट्याक्टर दुर्घटना भएको प्रहरीले जनाएको छ। ब्रेक फेल भएर ट्याक्टर दुर्घटना भएको प्रहरीको प्रारम्भिक अनुसन्धानबाट खुलेको छ।

दुर्घटनामा चौरजहारी नगरपालिक-१२ बस्ने २५ वर्षीय गोपाल खत्रीको मृत्यु भएको हो । गम्भीर घाइते भएका उनको मिसन अस्पताल चौरजहारीमा उपचारको क्रममा मृत्यु भएको प्रहरीले जनाएको छ।

दुर्घटनामा घाइते भएका ट्याक्टरमा सवार ५  मध्ये ४ जनालाई नेपालगञ्जतर्फ र १ जनालाई प्रदेश अस्पतालतर्फ उपचारको लागि पठाइएको रुकुम पश्चिम प्रहरीले जनाएको छ।