झापा— जिल्लाको झापा गाउँपालिका–३ मा परालको माचमा चट्याङ पर्दा आगलागी भएको छ। 

गएराति गौरीगाउँस्थित धनप्रसाद पौडेलको दुई बिघा खेतको परालमा वर्षासँगै परेको चट्याङ लागेर आगलागी भएको हो।

उक्त आगलागी शिवसताक्षी नगरपालिका, कमल गाउँपालिकाको बारुणयन्त्र र स्थानीयबासीको सहयोगमा निभाइएको  जिल्ला प्रहरी कार्यालय झापाका प्रवक्ता डएसपी कृष्णकुमार चन्दले जानकारी दिए। उनका अनुसार आलगीबाट करिब २० हजार रुपैयाँ बराबरको क्षति भएको छ।

त्यस्तै झापामा अविरल वर्षाका कारण माईखोलामा आएको बाढी खेतमा पस्दा ५० बिघामा लगाएको मकैबालीलाई नष्ट भएको छ। चन्दका बाढीेले झापा गाउँपालिका–२ सुगाबथान टोल नजिकै करिब ५० बिघामा लगाएको मकैखेतीलाई नष्ट गरेको हो ।