तनहुँ— तनहुँमा जङ्गली च्याउ खाँदा पाँच जना बिरामी परेका छन्। 

आँबुखैरेनी गाउँपालिका–६ हिलेखर्कका ५४ वर्षीय डिलबहादुर गुरुङ र ५७ वर्षीय मधु गुरुङ बिरामी परेका छन्। उनीहरुको नयाँ मेडिकल कलेज भरतपुरमा उपचार भइरहेको छ। 

त्यस्तै, हिलेखर्ककै ९२ वर्षीय रणबहादुर गुरुङ, ८५ वर्षीया द्रोणपति गुरुङ र ५८ वर्षीया पम्फी गुरुङ पनि बिरामी छन्। उनीहरुको आबुखैरेनी अस्पतालमा उपचार भइरहेको छ। 

देशभर जङ्गली च्याउ खाँदा धेरै बिरामी पर्ने गरेकाले च्याउको प्रकार चिनेर मात्रै खान चिकित्सकहरुले सुझाव दिने गरेका छन्।