काठमाडौं— कुकुरको बच्चालाई कुट्दै जिउँदै खाल्डोमा पुर्ने तीन जनालाई प्रहरीले इलामबाट पक्राउ गरेको छ। 

उनीहरूले कुकुरको बच्चालाई तड्पाईतड्पाई हत्या गरेको भिडिओ भाइरल भएको थियो। 

सुगम मोराहाङ लिम्बू नामको फेसबुक एकाउन्टमा उक्त भिडिओ पोस्ट भएको थियो, जुन अहिले हटाइएको छ। 

पशु कल्याण संघ काठमाडौंले दिएको जाहेरीको आधारमा उनीहरूलाई इलामको देउमाई नगरपालिकाको जितपुरबाट पक्राउ गरिएको जिल्ला प्रहरी कार्यालय इलामले जनाएको छ। 

संघले काठमाडौंबाट प्रतिनिधि पठाएर जिल्ला प्रहरी कार्यालय इलाममा उजुरी दर्ता गराएको थियो ।