काठमाडौं— मोडल दीपेश लामाको मृत्यु भएको छ। दुई दशकअघिको चर्चित पपगीत ‘सानु म’को मोडल रहेका लामाको ३९ वर्षको उमेरमा मृत्यु भएको हो।

थुप्रै म्युजिक भिडिओमा मोडलिङ गरेका उनको ‘तिमीलाई सम्झी बाटो हेरी कुरिरहन्थे म, सानु म’ सर्वाधिक हिट मानिन्छ। आलोक नेम्बाङको निर्देशन, प्रेम लामाको स्वर रहेको यो गीतको भिडिओमा दीपेश र सुवानी मोक्तानको अभिनय छ।

उनी काठमाडौंको बसुन्धरामा हिँडिरहेको अवस्थामा अचानक बेहोस भएर लडेका थिए। लामा हेपाटाइटिस बी पीडित थिए। तर हृदयघातका कारण मृत्यु भएको परिवारका सदस्यहरूले बताएका छन्।  लामाको मंगलबार नै अन्त्येष्टि गरिएको छ। 

हेर्नुहोस् लामा फिचर्ड ‘सानु म को म्युजिक भिडिओ