काठमाडौं— रेडिओ जनताको स्टेसन म्यानेजरमा सागर खड्का नियुक्त भएका छन्। 

ओखलढुङगाको लिखु गाउँपालिका–९ पोकलीका खड्का गत जेठ १ गतेबाट रेडिओ जनताको स्टेसन म्यानेजर पदमा नियुक्त भएका हुन्। 

जनता प्रकाशन तथा प्रशारण लिमिटेडका अध्यक्ष डा.विजयकुमार पौडेल र प्रमुख कार्यकारी अधिकृत (सीईओ) रमेश आचार्यले एक कार्यक्रमकाबीच उनलाई स्टेसन म्यानेजरको जिम्मेवारी दिएका हुन्। 

विगत ८ वर्षदेखी पत्रकारिता क्षेत्रमा कार्यरत खड्का रेडिओकर्मीकै रुपमा पत्रकारीता क्षेत्रमा उदाएका पात्र हुन्। उनी पछिल्लो समय रेडिओ कान्तिपुरमा कार्यरत थिए। 

सीईओ आचार्यले नवनियुक्त स्टेसन म्यानेजर खड्कालाई बधाई साथै कार्यकालको शुभकामना दिँदै संस्थालाई अझै अगाडि बढाउन खड्काले ठूलो भुमिका खेल्ने विश्वास व्यक्त गरे। 

यस्तै अध्यक्ष डा.पौडेलले बदलिदो सञ्चार जगतमा रेडिओलाई थप शसक्त बनाउन सिंगो समूह लागिपर्नेमा जोड दिए। 

सो अवसरमा खड्काले आफूलाई स्टेसन म्यानेजरको जिम्मेवारी दिएकोमा सञ्चालक समितिप्रति आभार व्यक्त गर्दै रेडिओको आर्थिक उन्नति र प्रगतिका लागि आफू प्रतिबद्ध भएर लाग्ने बताए। 

अहिलेको डिजिटल सञ्चार माध्यमको समयमा पछिल्लो समय रेडिओको लोकप्रियता खस्किदै गइरहेको महसुस आमस्रोताहरुले गरिरहेको बताउँदै उनले रेडिओ जनतालाई आमजनता सामु अझै लोकप्रिय बनाउदै लैजाने प्रतिबद्धता व्यक्त गरे। 

प्रतिष्पर्धी सञ्चारको दुनिँयामा रेडिओ जनतालाई अरुभन्दा भिन्न तरिकाले अग्रस्थानमा कायम राख्न आफनो तर्फबाट सक्दो मेहेनत गर्नुका साथै आमजनताको रोजाई तथा आवश्यकता अनुसारका कार्यक्रमहरुलाई प्राथमिकतामा राखेर अघि बढ्ने बताए।