झापा— गत वर्षको तुलनामा झापामा सम्बन्धविच्छेदका मुद्दामा वृद्धि भएको पाइएको छ। झापा जिल्ला अदालतका अनुसार चालु आर्थिक वर्षको १० महिनामा सम्बन्धविच्छेदका ९ सय ५४ मुद्दा दर्ता भएका छन्।

चालु आवमा हालसम्म दर्ता भएका तीन हजार पाँच सय ५६ मध्ये २६ प्रतिशत सम्बन्धविच्छेदका मुद्दा रहेको झापा जिल्ला अदालतका श्रेस्तेदार किरणकुमार सिंहले बताउ। लागुऔषध, अंश, जबर्जस्ती करणीलगायत मुद्दा पनि बढिरहेका छन्।

श्रेस्तेदार सिंहका अनुसार गत वर्षसहित पछिल्ला १० महिनामा दुई हजार सात सय ८५ वटा मुद्दाको फैसला भएको छ। तीन हजार पाँच सय ५७  मुद्दा विचाराधीन छन्। जिल्ला अदालतमा दरबन्दीअनुसार 

न्यायाधीश नहुँदा मुद्दाको चाप बढेको छ। आठजना न्यायाधीशको दरबन्दी रहेकामा छ जनामात्र सेवारत रहेका छन्।