युद्धग्रस्त इजरायलबाट २५४ जना नेपाली स्वदेश फर्किएका छन्। बिहीबार तेल अबिबबाट नेपाली लिएर उडेको जहाज आज बिहान साढे २ बजे विमानस्थल अवतरण गरेको हो । विमानस्थलमा युद्धग्रस्त क्षेत्रबाट जोगिएर स्वदेश फर्किएकाहरूको आफन्त हिजैदेखि कुरेर बसेका थिए । विमानस्थलमा आफन्तसँग भेट्दा धेरैले आँसु लुकाउन सकेका थिएनन् । सँगै घर फर्किन पाउँदाको खुशी पनि उनीहरूको अनुहारमा झल्किएको थियो । प्यालेस्टाइनको हमास समूहले इजरायलमाथि आक्रमण गरेपछि सरकारले त्यहाँ रहेका नेपालीहरूलाई स्वदेश ल्याउन बिहीबार नेपाल एअरलाइन्सको जहाज पठाएको थियो ।