काठमाडौं— मातातीर्थमा बिहीबार परेको मातातीर्थ औँसीको तयारी गरिएको छ । यहाँ वैशाख कृष्ण औँसी अर्थात् मातातीर्थ औँसीको दिन मेला लाग्ने गर्छ । 

यस दिन आमाको मुख हेरेर मिष्ठान्न परिकार खुवाउने र नयाँ वस्त्र परिधान पहिर्‍याउने पहाडी हिन्दु परम्परा छ । पर्वमा आफ्नै जन्म दिने आमा, सासूआमा, मितआमा र आमाको नाता लगाइएका नारीलाई पूज्य मानेर दर्शन गर्दै दीर्घजीवनको कामना गरिन्छ । निधन भइसकेका आमालाई यस पर्वका दिन तर्पण दिने हिन्दु परम्परा छ ।