महोत्तरी— बर्दिबासबाट लागूऔषध गाँजासहित दुई जना पक्राउ परेका छन्।

बर्दिवास-१४ स्थित  ट्रायल सेन्टरको  छेउबाट २० केजी ९७४ ग्राम गाँजा सहित दुई जना पक्राउ परेको जिल्ला प्रहरी कार्यालय महोत्तरीले जनाएको छ।

पक्राउ पर्नेमा भंगाहा नगरपालिका वडा नं ६ बस्ने ३२ बर्षीय कलाम अन्सारी र बर्दिवास-१० बस्ने ४० बर्षीय पदम स्याङ्तान छन्।

पक्राउ परेका अन्सारी भंगहा नगरपालिका वडा नम्बर ६ का वडासदस्य हुन् ।

इलाका प्रहरी कार्यालय गौरिडाँडाबाट खटिएको टोलीलाई देख्ना साथ तीनजना भागेका थिए। सेतो रङ्गको प्लाष्टिकको बोरा मकै बारीमा फ्याँकेर भागेका उनीहरु मध्य दुई पक्राउ परेका हुन्। 

अर्को एक जनाको खोजी भइरहेको प्रहरीले जनाएको छ।