काठमाडौं— सर्लाहीको एक कवाडी गोदामबाट प्रहरीले ५३ राउन्ड गोली बरामद गरेको छ।

मलंगवा नगरपालिका–८ गोरखकालीस्थित कवाडीको सामानहरू राखिएको स्थानबाट ५३ राउन्ड गोली बिहीबार बिहान प्रहरीले बरामद गरेको हो।

उक्त स्थानमा हात हतियारमा प्रयोग हुने गोली माटो मुनी गाडेर राखेको भन्ने खबर प्राप्त हुनासाथ जिल्ला प्रहरी कार्यालय सर्लाहीबाट खटिएको प्रहरीले पेस्तोलमा प्रयोग हुने उक्त गोली फेला पारेको हो।

गोली कसले कुन प्रयोजनका लागि राखेको हो भन्ने अहिलेसम्म केही खुलिनसकेको प्रहरीले जनाएको छ।