काठमाडौं — गायक निशान भट्टराई र ऋचा न्यौपानेबीच सम्बन्धविच्छेद भएको छ। काभ्रे जिल्ला अदालतले सम्बन्धविच्छेदको आदेश दिएको हो। 

‘उहाँहरू दुवै (निशान भट्टराई र ऋचा न्यौपाने)ले दिनुभएको संयुक्त निवेदनमा चैत ७ गते अदालतले सम्बन्धविच्छेदको आदेश दिएको हो,’ काभ्रे जिल्ला अदालतका सूचना अधिकारी हिराकुमारी भण्डारीले भनिन्। 

तीन वर्ष अगाडि निशान र ऋचाबीच विवाह भएको थियो। उनीहरूबीच विवाह गरेको केही समयपछि नै सम्बन्ध राम्रो नभएको खबर बाहिरिएको थियो। 

निशान नेपाल आइडलको पहिलो सिजनको फर्स्ट रनरअप हुन्। ऋचा मोडलिङ गर्दै आएकी छन्।