बैतडी — जिल्लाको झौलेकमा शुक्रबार बिहान ट्रयाक्टर दुर्घटना हुँदा दुई जनाको घटनास्थलमै मृत्यु भएको छ।

बैतडीको सुर्नयाबाट खोड्पे जाँदै गरेको से२त ३६७८ नम्बरको ट्रयाक्टर जयपृथ्वी राजमार्गको पाटन नगरपालिका– ८ झौलेक मोडमा दुर्घटना भएको हो।

दुर्घटनामा दुई जनाको मृत्यु भएको बैतडी जिल्ला प्रहरी कार्यालयका प्रहरी निरीक्षक खेमविक्रम केसीले पुष्टि गरे। उनीहरूको सनाखत भएको छैन। 

दुर्घटनाग्रस्त ट्रयाक्टर सडकबाट दुई सय मिटर तल खसेको छ। दुर्घटनाको कारण खुलेको छैन।