आज बिहीबार, २२ चैत २०८० (४ अप्रिल २०२४) 

हेर्नुस् आजको राशिफल

मेष : बन्धु बान्धवबाट सहयोग मिल्नेछ। दाम, इनाम र प्रतिष्ठा कमाउने बेला छ। शेयर बजारबाट राम्रै सफलता पाइनेछ। शत्रुहरूको गतिविधिले आत्मबल घटाउन सक्छ सचेत रहनु होला। भाग्यशाली रङ आकाशे र अङ्क ५ रहेको छ।

वृष : ठूला व्यक्तिले तपाईंको मेहनतको प्रशंसा गर्नेछन्। कला र गलाको प्रभाव बढ्नेछ। व्यापार व्यवसायबाट आम्दानी हुनेछ। कतैबाट शुभ समाचार सुन्न पाइनेछ। साँझमा भने नजिकका व्यक्तिसँग झगडा पर्न सक्नेछ। भाग्यशाली रङ निलो र अङ्क ४ हो।

मिथुन : बेसुरमा वचन दिने बानीले अप्ठ्यारो पार्न सक्छ। झन्झटिलो काममा संलग्न हुनुपर्नेछ। परिवारमा झैझमेलाको अवस्था आउला। साँझमा अरूलाई प्रभावित पारेर काम बन्नेछ। तपाईंको मेहनतको प्रशंसा हुनेछ। भाग्यशाली रङ हरियो र अङ्क ६ रहेको छ। 

कर्कट : बुद्धिको उपयोग गर्दा जटिल ठानिएको कामसमेत सम्पादन हुन सक्नेछ। शुभ समाचार सुन्न पाइएला। नजिकको व्यक्तिको सहयोगबाट कार्य पुरा हुनेछ। प्रेमीरप्रेमिकाको एकअर्कालाई सहयोग रहनेछ। कसै कसैलाई सन्तान सुख मिल्ला। भाग्यशाली रङ गुलाबी र अङ्क २ हो।

सिंह : व्यापारिक वा दैनिक काम सन्तोषजनक ढंगले सम्पन्न हुनेछन्। एउटै कामबाट दोहोरो लाभ मिल्नेछ। प्रेम सम्बन्ध र प्रणयप्र सङ्गका लागि समय श्रेष्ठ छ। कुनै कुराले मनमा शान्ति छाउला। भाग्यशाली रङ गुलाबी र अङ्क ८ रहेको छ।

कन्या : सुन्दर पहिरनले व्यक्तित्वमा निखार ल्याउनेछ। विशिष्ट व्यक्तिको भेटघाटले मन प्रसन्न हुनेछ। मित्रहरूको सहयोगले मन खुसी रहनेछ। प्रेम र मित्रताको बन्धन कसिने छ। धार्मिक यात्राको योग पनि छ। भाग्यशाली रङ सेतो र अङ्क ६ हो।

तुला : आफ्नो अधिकार प्राप्तिका लागि संघर्ष गर्नु पर्नेछ। व्यर्थको सास्ती खेप्नु पर्ला। परिवारका लागि धेरै समय दिन पाइने छैन। बजार घुम्ने अवसर भने मिल्नेछ। अतस् लाभहानि, सुखदुःख बराबरी खालको दिन रहनेछ। भाग्यशाली रङ पर्पल र अङ्क ७ रहेको छ। 

वृश्चिक : लामो समयदेखि प्रतीक्षा गरिएको काम पुरा हुनेछ। जीवनसाथीसँग राम्रो आहारविहारका साथै रमाइलोसँग दिन बिताउनु हुनेछ। धर्मकर्म, परोपकार, समाजसेवा जस्ता कार्यमा मन लाग्नेछ। यात्राको योग पनि देखिन्छ। भाग्यशाली रङ हरियो र अङ्क ७ रहेको छ।

धनु : सेवामूलक कामबाट सुख र सफलता मिल्नेछ। काम देखाएर अरूको मन लोभ्याउन सकिनेछ। लगनशीलताले कामहरू अगाडि बढ्नेछन्। आकस्मिक धनलाभ हुनेछ तर अरूको भलाइका लागि दौडधुप गर्नु पर्नेछ। भाग्यशाली रङ पहेँलो र अङ्क २ रहेको छ।

मकर : समाजसेवा, परोपकार र धर्मप्रति आस्था बढ्नेछ। आत्मविश्वास र पराक्रममा वृद्धि हुनेछ। इच्छा र आकाङ्क्षा पूर्ण हुनेछन्। धनमाल हात लाग्न सक्नेछ। साँझमा भने तनाव बढेको महसुस हुनेछ। भाग्यशाली रङ गुलाबी र अङ्क १ रहेको छ।

कुम्भ : घर परिवारमा झैझमेलाको अवस्था आउला। स्वास्थ्यमा गडबडी भई कामकाजमा असर पर्न सक्छ। बोलीमा विपरीत अर्थ लाग्दा बन्न लागेको काम बिग्रन सक्छ तर ठूलाबडाको आशीर्वादले भने काम बन्न सक्छ। भाग्यशाली रङ खैरो र अङ्क ९ रहेको छ।

मीन : नयाँ ठाउँको रमाइलो यात्रा हुनेछ। प्रेमका कोपिला फक्रिएर जानेछन्। व्यापार, व्यवसायमा पर्याप्त लाभ मिल्नेछ। मन लोभ्याउने पहिरनले अरूको नजर आफूमाथि पर्नेछ। वैदेशिक कार्य कमजोर रहनेछ। भाग्यशाली रङ पहेँलो र अङ्क ४ हो ।