काठमाडौं— भारतको पर्यटकीय नगरी गोवामा सम्पर्कविहीन भएकी आरती हमाल सकुशल फेला परेकी छन्। आरती कैलालीको धनगढी उपमहानगरपालिकाका मेयर गोपाल हमालकी छोरी हुन्। 

आरती सोमबारदेखि सम्पर्कविहीन भएकी थिइन्। ओशो साधक आरती केही महिनादेखि ध्यान गर्न गोवामा बस्दै आएकी थिइन्।

मेयर हमालले आफ्नी छोरीको खोजीका लागि सहयोग गरिदिन भन्दै सामाजिक सञ्जालमार्फत् नै अनुरोध गरेका थिए। यस्तै, आरतीको खोजीका लागि उनकी बहिनी आर्जु र ज्वाइँ गोवा पुगेका थिए। 

आरतीको खोजीका लागि भन्दै उनका साथीले गोवा प्रहरीमा उजुरी समेत दिएका थिए। यद्यपि उनी गोवामा नै एक जना विदेशी युवतीसँग सकशुल फेला परेकी परिवारिक स्रोतले जानकारी दिएको छ।