ललितपुर— ललितपुर महानगरपालिका– २६ ढोलाहिटीमा ग्याङ फाइट हुँदा दुई जनाको हत्या भएको घटनामा प्रहरीले चार जनालाई पक्राउ गरि सार्वजनिक गरेको छ।
पक्राउ पर्नेमा डी पोपिना रेष्टुरेन्टका सञ्चालकसमेत छन्। सोही रेष्टुरेन्टमा आइतबार राति ग्याङ फाइट भएको हो। उनीहरुलाई प्रहरीले मंगलबार पत्रकार सम्मेलन गरी सार्वजनिक गरेको हो।
घटनामा संलग्न एक जना भने फरार छन्। ग्याङ फाइट हुँदा पाँचथर घर भई खुमलटार बस्ने पुजन राई र धरान घर भई ढोलाहिटी बस्ने रोवश राईको मृत्यु भएको थियो।
घटनामा संलग्न रहेको आरोपमा प्रहरीले खोटाङ साकेला गाउँपालिका– २ सेखुवा घर भई ललितपुरको जैनखेल बस्ने होटल सञ्चालक ३१ वर्षीय विजय राई र खोटाङ साकेला गाउँपालिका– २ रतन्छा घर भई हाल ललितपुरको खुमलटार बस्ने होटल कै अर्का सञ्चालक ३० वर्षीय सुलभ राईलाई पक्राउ गरेको हो।
भोजपुर ट्याम्केमयुङ गाउँपालिका– २ अन्नपूर्ण घर भई ललितपुरको जैनखेल बस्ने ३८ वर्षीय विशाल हाङ मुकारूङ राई, काठमाडौं गोकर्णेश्वर नगरपालिका– ११ घर भई ललितपुर महालक्ष्मी नगरपालिका– ६ सानागाउँ बस्ने वर्ष २५ को छेङविहाङ राई पक्राउ परेका छन्।
-1732881098.jpg)
