काठमाडौं— हुम्लामा शनिबार जीप दुर्घटना हुँदा २ जनाको मृत्यु भएको छ भने ६ जना घाइते छन् । 

मृत्यु हुनेमा अदानचुली–५ का अन्दाजी ३५ वर्षीय फागुने लोहार र १३ वर्षीय प्रवेश ऐडी रहेको प्रहरीले जनाएको छ । 

अदानचुली गाउँपालिकाको केन्द्र श्रीनगरबाट वडा नं. ५ को बारीगाउँ जाँदै गरेको सु००१ज ११८३ नम्बरको जीप दुर्घटना भएको जिल्ला प्रहरी प्रमुख डीएसपी रवीन्द्र खनालले बताए।  

दुर्घटनामा घाइते हुनेको स्थानीय प्राथमिक स्वास्थ्य केन्द्रमा उपचार भइरहेको छ।