झापा— झापामा एक व्यक्तिको हत्या भएको छ। भद्रपुर नगरपालिका-२ बस्ने ३५ वर्षीय सनम भन्ने गंगा राईको हत्या भएको हो। 

हत्या घटनामा संलग्न रहेको आरोपमा प्रहरीले स्थानीय ३० वर्षीय कमान सिंह राईलाई बिहीबार बिहान पक्राउ गरेको छ। गंगा बुधबार राति कमानको घरमा सुतेका थिए।

सोहीबेला उनको हत्या भएको हो। पुरानो रिसिवीको कारण कमानले सुतिरहेको अवस्थामा फलामको खन्ती प्रहार गरेर गंगाको हत्या गरेको प्रहरीको प्रारम्भिक अनुसन्धानबाट खुलेको छ।

इलाका प्रहरी कार्यालय पृथ्वीनगर र जिल्ला प्रहरी कार्यालय झापाबाट खटिएको प्रहरीले कमानलाई पक्राउ गरेको हो।

उनीविरुद्ध प्रहरीले थप अनुसन्धान गरिरहेको छ।