चितुवाको आक्रमणबाट कौशलटारमा दुई जना घाइते, चितुवालाई नियन्त्रणमा लिइँदै
काठमाडौं— भक्तपुरको कौशलटारमा चितुवा फेला परेको छ ।
चितुवालाई नियन्त्रणमा लिन डिभिजन वन कार्यालय काठमाडौंका कर्मचारी खटिएका छन् । एक घरको बाउन्ड्री भित्र कुनामा लुकेको चितुवालाई डार्ट गरेर नियन्त्रणमा लिइँदै छ । वन अधिकृत अशोक पराजुलीका अनुसार चितुवा बयस्क छ ।
चितुवा फेला परेपछि डिभिजन वन कार्यालय भक्तपुरले डिभिजन वन कार्यालय काठमाडौंको टोलीलाई खबर गरेको थियो । त्यसपछि पराजुलीको नेतृत्वमा टोली परिचालित भएको हो ।
जिल्ला प्रहरी परिसर भक्तपुरका अनुसार चितुवाको आक्रमणबाट दुई जना सामान्य घाइते पनि छन् ।
प्रकाशित मिति: शुक्रबार, कात्तिक २४, २०८० ११:०५
थप समाचार
