इजरायलमा मारिएका १० जना नेपाली विद्यार्थीमध्ये ३ जनाको शव नेपाल आइपुगेको छ । आइतबार बिहान त्रिभुवन विमानस्थलमा उनीहरूको शव ल्याइएको हो । 

चारजनाको शव एकैपटक ल्याउने भनिएपनि एकजनाको शव भने दिउँसो १ बजेको जहाजमा काठमाडौं आइपुग्ने भएको छ । इजरायलमा हमासको आक्रमणमा परी मृत्यु भएकामध्ये नारायणप्रसाद न्यौपाने, लोकन्द्रसिंह धामी र दिपेशराज विष्टको शव मात्र नेपाल आइपुगेको  हो । आशिष चौधरीको शव भने आज दिउँसो आइपुग्दै छ ।