४ केजी सुनसहित दोलखाबाट तीन जना पक्राउ
काठमाडौं— दोलखाको सिँगटीबाट प्रहरीले चार केजी सुनसहित तीन जनालाई पक्राउ गरेको छ ।
बुधबार राति इलाका प्रहरी कार्यालय सिँगटीको टोलीले चार किलो सुनसहित तीन जनालाई पक्राउ गरेको जिल्ला प्रहरी कार्यालय दोलखाले जनाएको छ ।
पक्राउ परेकाहरूको विवरण प्रहरीले सार्वजनिक गरेको छैन । स्रोतका अनुसार तीनै जना दोलखाको बिगु गाउँपालिका- १ लामाबगर निवासी हुन् । इलाका प्रहरी कार्यालय सिँगटीले भने सुन जस्तो देखिने चार पिस पहेँलो धातु बरामद भएको जनाएको छ ।
उक्त पहेँलो धातु परीक्षणको क्रममा रहेको पनि प्रहरीले जनाएको छ । थप विवरण पत्रकार सम्मेलन गरी बिहीबार सार्वजनिक गरिने दोलखा प्रहरीले जनाएको छ ।
प्रकाशित मिति: बिहीबार, असोज ११, २०८० ०८:५०
थप समाचार
