घुमुवा प्रहरी हुँ भन्दै लुटपाट गर्ने एक जना पक्राउ
जनकपुरधाम— घुमुवा प्रहरी बताउँदै लुटपाट गर्ने एक जना धनुषाबाट पक्राउ परेका छन् ।
पक्राउ पर्नेमा धनुषाको कमला नगरपालिका वडा नं. ३ लग्माका ३१ वर्षीय अमरेश कुमार यादव छन् । अर्का एक जना फरार छन् ।
पक्राउ परेका यादव र फरार अर्कोले घुमुवा प्रहरी हुँ भनेर धाकधम्की देखाई धनुषाको विदेह नगरपालिका ३ चिकनास्थित सडकखण्डमा मोटरसाइकलमा सवार यात्रुको ४ हजार रुपैयाँ लुटेको आरोप छ ।
इलाका प्रहरी कार्यालय दुहबीबाट खटिएको टोलीले यादवलाई पक्राउ गरेको हो ।
प्रकाशित मिति: शुक्रबार, भदौ २९, २०८० १८:४०
ट्रेन्डिङ समाचार
