मधेस प्रदेश सांसद बिन्दुकुमारी यादवको निधन
काठमाडौं— मधेस प्रदेश सांसद बिन्दुकुमारी यादवको निधन भएको छ ।
मंगलबार बिहान उपचारको क्रममा प्रादेशिक अस्पताल जनकपुरमा उनको निधन भएको जसपाका सचेतक रामअशिष यादवले जानकारी दिए ।
उनका अनुसार सांसद यादवको पार्थिव शरीर अहिले पार्टीको प्रादेशिक कार्यालयमा लगिँदैछ ।
सर्लाहीको कविलासी नगरपालिका सिर्सियाकी उनी पाठेघरको मुखको क्यान्सरबाट पीडित थिइन् ।
यादव गत निर्वाचनमा समानुपातिक तर्फबाट सांसद भएकी थिइन् ।
प्रकाशित मिति: मंगलबार, भदौ २६, २०८० १०:२८
थप समाचार
