काठमाडौं— उपत्यकासहित देशका धेरै ठाउँमा बिहानैदेखि पानी परिरहेको छ।

आज दिनभरजसो देशका धेरै ठाउँमा हल्कादेखि मध्यम वर्षाको सम्भावना रहेको मौसमविद् सञ्जीव अधिकारीले जानकारी दिए। यो क्रम भोलिसम्म चल्ने छ । 

मौसमविद् अधिकारीका अनुसार पश्चिममा भन्दा पूर्वमा धेरै वर्षा हुनेछ। काठमाडौं उपत्यकामा भने बिहान १०–११ बजेपछि वर्षा रोकिने र दिउँसो फेरि बदली र वर्षा हुने मौसमविद् अधिकारीले बताए।

राति कोशी, बागमती, गण्डकी र लुम्बिनी प्रदेशका एक दुई स्थानमा मेघगर्जन र चट्याङसहित भारी वर्षाको समेत सम्भावना रहेको मौसम पूर्वानुमान महाशाखाले जनाएको छ।