धनुषा— वरिष्ठ पत्रकार राजेश्वर नेपालीको मृत्यु भएको छ । नेपालीको सोमबार बेलुका ८ बजे जनकपुरधामस्थित म्याक्स अस्पतालमा मृत्यु भएको उनका छोरा राघवेन्द्रप्रसाद साहले जानकारी दिए ।

विगत १४ महिनादेखि बिरामी नेपाली गत असोज १२ गतेदेखि ओछ्यान परेका थिए । उनको जन्म जनकपुरधाम उपमहानगरपालिका–२३ को बेला गाउँमा बुबा रामदुलार साह र आमा इन्द्रमणि देवीबाट वि.सं.२००२ भदौ १९ गते भएको थियो ।

नेपालीले २०१८ साल मंसिर २६ गतेदेखि मिसन पत्रकारिताबाट आफ्नो पत्रकारिता जीवन सुरुआत गरेका थिए । उनी  साहित्यकारसमेत थिए ।