सीआईबीको प्रतिवेदन
ललिता निवास प्रकरणमा नेपाल र भट्टराईलाई सीआईबीले बनाएन प्रतिवादी

काठमाडौं— ललिता निवासको जग्गा हिनामिना प्रकरणका निर्णयाधिकार माधवकुमार नेपाल र डा. बाबुराम भट्टराईलाई प्रतिवादी नबनाई साक्षीका रूपमा मात्र रहने गरी प्रहरीको केन्द्रीय अनुसन्धान ब्युरो (सीआईबी)ले अनुसन्धान प्रतिवेदन जिल्ला सरकारी वकिलको कार्यालयमा बुझाएको छ ।
उनीहरूसँग आइतबार निवास मै गरेर सीआईबीले बयान कागज गराएको थियो । मंगलबार जिल्ला सरकारी वकिल कार्यालयमा बुझाइएको रायसहितको अनुसन्धान प्रतिवेदनमा सीआईबीले पूर्व प्रधानमन्त्रीद्वय लाई साक्षीका रूपमा मात्र खडा गरेको छ ।
सीआईबीले ५७ दिनसम्म अनुसन्धान गरेर बुझाएको रायसहितको प्रतिवेदनमा चार पटक गरेर ललिता निवासको १४३ रोपनी जग्गा हडपिएको निष्कर्ष निकालेको छ ।
प्रकाशित मिति: मंगलबार, भदौ ५, २०८० १३:३९