काठमाडौं— भक्तपुरको सानोठिमीस्थित बालसुधार गृहमा कैद भुक्तान गरिरहेका एक सय बढी कैदी भागेका छन् ।

सुधार गृहको पछाडिको ढोका फोडेर उनीहरु भागेको प्रमुख जिल्ला अधिकारी खगेन्द्र रिजालले बताए । उनका अनुसार सुधार गृहमा तैनाथ सुरक्षाकर्मीलाई आक्रमण गरेर उनीहरु भागेका हुन् ।

सुधार गृहमा विभिन्न कसुरमा सजाय भुक्तान गरिरहेका २९९ जना थिए । तीमध्ये २५६ जना पुरुष थिए । सुधार गृहमा रहेका महिलाहरू भने नभागेका प्रजिअ रिजालले बताए ।