नागको पूजा अर्चना गरी घरका मूलढोकामा टाँसेर नागपञ्चमी पर्व मनाइँँदै छ । यो पर्व प्रत्येक वर्ष श्रावण शुक्ल पञ्चमीको दिन मनाइन्छ ।

नागको तस्बिर टाँस्दा वर्षभर घरमा नाग, सर्प र बिच्छीलगायतका जीवले दुःख नदिनुका साथै अग्नि, मेघ र चट्याङको भयबाट पनि बच्न सकिन्छ भन्ने धार्मिक विश्वास छ ।

सोमबार काठमाडौंको नक्सालस्थित नागपोखरी परिसरमा नाग पूजा गर्न भक्तजन लामबद्ध भएका छन् । देशका विभिन्न नाग मन्दिरमा पनि भक्तजनको घुइँचो लागेको छ ।