६० किलो सुन प्रकरण : थप २ चिनियाँ नागरिक पक्राउ
काठमाडौं— ६० किलो सुन प्रकरणमा थप २ जना चिनियाँ नागरिक पक्राउ परेका छन् ।
बिहीबार राति काठमाडौंबाट नेपाल प्रहरीको केन्द्रीय अनुसन्धान ब्युरो (सीआईबी) ले अनुसन्धानका क्रममा २ जनालाई पक्राउ गरेको हो ।
सीआईबीले पक्राउ पर्नेको नाम खुलाएको छैन । प्रहरीले मंगलबार पनि ४ जना चिनियाँ नागरिकलाई पक्राउ गरेको थियो ।
पक्राउ पर्नेमा ३ महिला र एक पुरुष थिए । तियानमी,वीन तङ, डिङ सेग्फा र ली नेङ्काई पक्राउ परेका हुन् ।
राजश्व अनुसन्धान विभागले गत साउन ३ गते सुनसहितको १५५ केजी ‘ब्रेक शु’ बरामद गरेको थियो । तर, मंगलबार गालेर जोख्दा ६० किलाे मात्रै सुन भएको खुलेको थियो ।
प्रकाशित मिति: शुक्रबार, भदौ १, २०८० ०८:२९
थप समाचार
