काठमाडौं— नक्कली शैक्षिक प्रमाणपत्रको कसुरमा बिहीबार दिउँसो नेपाली कांग्रेसका सांसद सुनिल शर्मा पक्राउ परेपछि साँझ कांग्रेसका सभापति शेरबहादुर देउवा प्रधानमन्त्री पुष्पकमल दाहाल प्रचण्डलाई भेट्न बालुवाटार पुगेका छन् ।

धुम्बाराहीस्थित निवासमा नेताहरूसँग आन्तरिक छलफल गरेलगत्तै सभापति देउवा प्रधानमन्त्री दाहाललाई भेट्न बालुवाटार पुगेको बालुवाटार स्रोतले जानकारी दिएको छ ।

कांग्रेसका प्रमुख सचेतक रमेश लेखकले सांसद शर्मा पक्राउबारे सत्यतथ्य बुझेर पार्टीको धारणा सार्वजनिक गर्ने बताएका थिए । सोही विषयमा बुझ्न देउवा बालुवाटार गएको बताइएको छ ।

प्रहरीको केन्द्रीय अनुसन्धान ब्यूरो (सीआईबी) ले सांसद शर्मालाई पक्राउ गरेको थियो । शैक्षिक प्रमाण पत्र किर्ते गरेको कसुरमा सांसद शर्मालाई पक्राउ गरिएको सीआईबीले जनाएको छ ।

यो पनि पढ्नुहोस

गत मङ्सिरको चुनावपछि ३ सांसद पक्राउ, एक फरार