काठमाडौं— नेपाली बजारमा बिहीबार सुनको मूल्यमा गिरावट आएको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला सात सय रुपैयाँले गिरावट आएको हो ।

बिहीबार छापावाल सुनको मूल्य तोलामा सात सय रुपैयाँले घटेर एक लाख ११ हजार ३०० रुपैयाँ कायम भएको छ । यस्तै, तेजाबी सुनको मूल्य एक लाख १० हजार ७५० रुपैयाँ कायम छ ।

त्यसैगरी, बिहीबार चाँदीको मूल्यमा समेत गिरावट आएको छ । आज चाँदी प्रतितोला १० रुपैयाँले घटेसँगै एक हजार ३८० रुपैयाँमा किनबेच भइरहेको छ ।